إعلانات المشاهير
إعلانات المشاهير في السعودية
قبل ما تعلن عند مشهور، فيه أشياء تفرق في النتيجة وفي التكلفة: الاسم، والمنصة، والحقوق، والتوقيت. هذا اللي نشرحه لكل براند يجينا، من خبرة أكثر من 2,000 حملة في السعودية والخليج.
+2,000
حملة نفّذناها
+3,000
صانع محتوى في شبكتنا
+85 مليون
متابع لمواهبنا الحصرية
72 ساعة
من الاعتماد للنشر
من شغلنا مع المشاهير
سالم الدوسري × أفالون أكتيف
أفالون فارما أطلقت أفالون أكتيف في صيدليات النهدي مع نجم المنتخب السعودي سالم الدوسري. تولينا اليوم من أوله لآخره: حضور مباشر في الصيدلية مع الجمهور، ومنشور على إنستغرام وتيك توك.
وش يحدد تكلفة الإعلان عند المشهور
ما فيه سعر ثابت لإعلانات المشاهير. التكلفة تتغير من اسم لاسم ومن حملة لحملة، وأكثر شي يأثر فيها: حجم جمهور المشهور وكم منه في السعودية، والمنصة ونوع المحتوى (السنابات اليومية غير الريل المصوّر والمونتاج)، وعدد المنشورات، وحقوق الاستخدام إذا تبي تعيد نشر المحتوى في إعلاناتك، والحصرية إذا ما تبيه يعلن لمنافس، والتوقيت. رمضان واليوم الوطني وموسم الرياض أزحم مواسم السنة، والحجز بدري يفرق. بعد ما نشوف البريف نرسل لك عرض مفصّل، وكل بند واضح قبل ما توقّع.
سناب ولا تيك توك ولا إنستغرام
سناب أقرب منصة لحياة الناس هنا، والسعوديين يفتحونه أكثر من 50 مرة في اليوم (سناب شات، 2025). الإعلان في يوميات المشهور يطلع طبيعي ويوصل بسرعة. تيك توك أقوى للانتشار والمقاطع اللي تنتقل من حساب لحساب، وإنستغرام يناسب البراندات اللي تعتمد على الصورة مثل الأزياء والعناية والفخامة.
أغلب حملاتنا تجمع أكثر من منصة، ونختار التوزيع حسب جمهورك ووش تبي من الحملة: انتشار، أو زيارات للمتجر، أو مبيعات.
رخصة موثوق
أي إعلان مدفوع عند صانع محتوى أو مشهور في السعودية يحتاج رخصة موثوق من الهيئة العامة لتنظيم الإعلام. نتأكد إن كل اسم نرشحه رخصته سارية قبل ما نبدأ، ونتفق كتابياً على الأجر والمخرجات وحقوق الاستخدام والحصرية قبل ما ينزل أول إعلان.
كيف تختار المشهور المناسب
عدد المتابعين لحاله ما يكفي. نشوف كم من جمهوره في السعودية، ووش اهتماماتهم، ووش اشتغل مع براندات قبل وكيف كانت نتايجها. نرشح لك أسماء ونشرح ليش اخترناها، وما نوقّع مع أحد قبل ما تعتمده. ندير أعمال أكثر من 30 موهبة حصرية مجموع متابعينهم أكثر من 85 مليون، وإذا الاسم اللي تبيه برا قائمتنا نوصله عن طريق شبكة فيها أكثر من 3,000 صانع محتوى ومشهور.
أسئلة تتكرر علينا
كم تكلفة الإعلان عند مشهور في السعودية؟
تختلف حسب الاسم والمنصة وعدد المنشورات وحقوق الاستخدام والحصرية والموسم. أرسل لنا البريف، ويتصل عليك فريقنا خلال 24 ساعة بأسماء وعرض مفصّل.
هل لازم المشهور يكون عنده رخصة موثوق؟
إيه. أي إعلان مدفوع يحتاج رخصة موثوق سارية، ونتأكد منها قبل ما نرشح أي اسم.
كم ياخذ وقت لين ينزل الإعلان؟
حملتك عادةً تنزل خلال 72 ساعة من اعتمادك للأسماء والمحتوى. في رمضان والمواسم الكبيرة الأفضل تحجز قبلها بوقت.
أقدر أختار المشهور بنفسي؟
أكيد. إذا عندك اسم معيّن نتواصل معه ونرتب كل شي، وإذا ما عندك نرشح لك أسماء تناسب جمهورك.
اقرأ كمان
اسألنا عن المشاهير المتاحين لحملتك.
كلمنا عن الحملة ونرجع لك بأسماء خلال 24 ساعة.